Azərbacan Dövlət Rəssamlıq Akademiyasının Muzey Sərgi Kompleksi və “Saf rənglər” festivalının Təşkilat Komitəsi 23 may-5 iyun tarixləri arasında II Beynəlxalq uşaq və gənc rəsm yaradıcılığı festivalında iştirak etməyə dəvət edir. Festivala 3 yaşdan 16 yaşa kimi olan uşaq və gənc rəssamların təsviri sənətin bütün janrları üzrə sərgilənmək üçün hazır olan eksponatları qəbul edilir. İştirakçılar öz bədii meyarları və estetik üstünlüklərini rəhbər tutaraq nümayiş etdirən işlərini təqdim edirlər. Festivalın xeyriyyəçilik ənənəsinə uyğun olaraq əlil uşaqlara kömək məqsədilə eksponatların satışı da həyata keçiriləcək.